Kökənim Oğuzdu, adım, sanım var,
Dədə Qorqud kimi bir dastanım var,
Molla Pənah Vaqif, Cavad xanım var,
Azəri deyiləm, Oğuz Türkiyəm!

Mən Əhməd Cavadam, sevda başımda
Mən Rəsulzadəyəm, Vətən peşində
Müşfiqin ruhuyam, cavan yaşımda
Azəri deyiləm, Oğuz Türkiyəm!

Mən Şərqin üzüyəm, Güneyin səsi,
Şimalın və Qərbin isti nəfəsi
Mən Şuşa, Kəlbəcər, Laçın naləsi
Azəri deyiləm, Oğuz Türkiyəm!