HARAY,HARAY MƏN TÜRKƏM !!!
|
Əsas » 2011 » İyun » 2 » Bəxtiyar Vahabzadə - Millətim qoşuğu.
22:28 Bəxtiyar Vahabzadə - Millətim qoşuğu. |
MİLLƏTİM Niyə bu günə düşdün Ay mənim məmləkətim? Özümə düşmən olub Aşıb-daşan sərvətim.
Bir vaxt sən də xan idin, Vaxta hökmüran idin, Dövlətlər quran idin, İndi sənə nə oldu A qullaşan millətim?
Daşından da zər bitər, Yeddi arxana yetər. Dilənçidən beşbetər Yoxsullaşan millətim.
Namusuyla, arıyla, Keçdiyi yollarıyla, Böyük oğullarıyla Oğullaşan millətim.
Savaş hünərləriylə, Qəhrəman ərləriylə, Böyük zəfərləriylə Nağıllaşan millətim.
Dəmir qıran dişiylə, İgidlik vərdişiylə, Öz şanlı keçmişiylə "Sağollaşan" millətim.
Bu xalqın öz övladı Öz-özünü ovladı. Səbrini buxovladı Səbri daşan millətim.
Necə dözdün bir belə Müsibətə, müşkülə? Çəkdiyi sitəm ilə A yollaşan millətim?
Nə gündəsən, nə gündə? Qor qalmayıb külündə. Qeyrətsizlər əlində Bu gün çaşan millətim.
İstəyirəm çaşmaya, Dərdiylə yollaşmaya, Bir daha qullaşmaya Xan oğlu, xan millətim.
|
Baxış: 445 |
Əlavə edib: Oguzturk
| Reytinq: 0.0/0 |
Yalnız qeydiyyatdan keçmiş istifadəçilər şərh yaza bilər. [ Qeydiyyat | Giriş ]
|
Təqvim
« İyun 2011 » | B.e. | Ç.a. | Ç. | C.a. | C. | Ş. | B. | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 |
Bizim sorğu
counter
Statistika
Online cəmi 1 Qonaq 1 İstifadəçilər 0
|
| | |