Əsas » 2014 » İyun » 7 » Heydər Oğuz-"Türkəm,Dədə Qorqud ocağından gəlirəm mən" qoşuğu.
22:49
Heydər Oğuz-"Türkəm,Dədə Qorqud ocağından gəlirəm mən" qoşuğu.
Heydər Oğuz-"Türkəm,Dədə Qorqud ocağından gəlirəm mən" qoşuğu.
Kimmiş Qazaq, Özbək, Cağatay, Azəri?- bilməm Türkəm, Dədə Qorqud ocağından gəlirəm mən. Allahdan ulu kimsəni məbəd yeri bilməm, Haqq əsgəriyəm, Haqq qucağından gəlirəm mən.
Düşmənlə savaşlarda qırılmış qanadından Səkdikcə bu gün Türklüyü sanma ölü artıq. Yox onda işarət düşünüb Türklük adından Zənn etmə qırılmışsa sağalmaz beli artıq.
Duyduqca sənin fikrini gülsəm, buna çaşma. Çox böylə qırılmış belim ondan gülürəm mən. Yaddan çıxarıb kimliymi həddini aşma, Türkəm, Dədə Qorqud ocağından gəlirəm mən.
Türk ömrü keçib sanki zaman keşməkeşindən, Gah zirvəyə qalxıb, yenə gah zirvədən enmiş. Vaz keçməyib ancaq o vüqarlı yerişindən Gah atdan enib dincələrək, gah ata minmiş.
Atsız görərək üstümə çox köhləni sürmə, Heç sanma beyindən bunu bir gün silərəm mən. Murdardır əlin, qaysağımın üstünə sürtmə! Türkəm, Dədə Qorqud ocağından gələrim mən.