ABŞ-ın Nyu-York şəhərində rus dilində yayımlanan “Radio Pozitiv” "Sarı gəlin" mahnısı ilə bağlı buraxdığı səhvə görə üzr istəyib. Azərbaycanın BMT yanında daimi nümayəndəliyindən Qaynar.info-ya verilən məlumata görə, geniş dinləyici kütləsinə malik olan radioda iyulun 28-də yayımlanan proqramda aparıcı Azərbaycanın “Sarı Gəlin” xalq mahnısını “Qornaya Nevesta” kimi təqdim edib. Onun ermənilərə məxsus olduğunu bildirib və Civan Qasparyanın ifasında səsləndirib.
Buna cavab olaraq, Azərbaycanın BMT yanında daimi nümayəndəliyi dərhal radio ilə əlaqə saxlayıb və aparıcının söylədiklərinin yanlış olduğunu, canlı efirdə “Sarı Gəlin”in Azərbaycan xalq mahnısı olduğunu bildirilməsini xahiş edib. Nümayəndəliyin xahişi yerinə yetirilib və canlı efirdə üzr istənilib.